 |
|
|
|
|
|||
|
|
Archives « les Veillées Patoisantes »
|
|||||
| Les derniers textes mis en ligne : |
© VPT 2003
| CH'EST L' PRINTEMPS Un texte de Marie-Rose GOUDENOVE-OMEZ (l'file à Joseph) Eh bé mon Di ! Tcheull' sérénate ! I sont tchés, là, d'rirr' min cassis. Acoutez cha chés roucoulates ! V'là tous les mouchons du quarti ! Ah ! Ch'est l' printemps ! I z'ont ratcheuru tertous insonne in matin, Au mitan d'min gardin. Crocus, jonquilles et forsythia, In erwett' cha d'in air béat. Eh bé mon Di, ch'est beu tout cha ! Ah ! ch'est l' printemps ! Quo qu'chest ? Ch'est l'file à Zoé Qui-a tourné l'tcheu de l'rue ? Eh bé mon Di, je n' l'aros pos r'connue ! Mais qu'ell' est bell', eh bé toudis ! In s'balanchant, ell' erbondit : In dirot in.n vraie gazelle... Ah ! ch'est l' printemps ! In allant tcheur' min pain, j'traverse l'grand gardin. I sont muchis dins tous les tcheus, les amoureux, El tchoeur in fêt', serrés comm' des cardonnettes. Comm' dirot min cousin Batisse : "A m' mott' que l'coulon i-est su l'trappe!" Ah ch'est l' printemps Tins ! te l' savos, ti, que l'file à Hortense Ell' attind ? et qu' ch'est pou dins deux mos ? Eh bé, te verros cha, tcheu banse ! A m' mot' qu'i n' d'a deux o bin tros... Bah ! ch'est l' printemps ! Quo qu' ch'est ? Cha fait lommint qu' l'école ell' est finie Et min garchonnal i-est incore in.n' fos in r'tard ! Seûr'mint qu'i jeue à mapes à les bords des trottoirs, Aveuc deux ou tros garnemints. Ah ! pou cha, i prenn' t' tout leu temps ! Bah ! ch'est l' printemps ! J'erwette m'n homm' qui feume s'pipe, J'prinds in.n' cayère à côté d'li. J'm'in vas m' muchi d'rirre s'n épaule, J'attrap' ses dogts, j' les serr' bin fort, là tout cont' mi. Et pus, j' l' erwett' dins l'blanc des z'is, et j' li dis : "Eh bé ! min homm', qu'in est bin là, hé non, Tous les deux insonne ? A m' mot' qu'in va print du bon temps. Tchand qu'in s'aim' bin comm' nous z'aut' deux, hé non, Bin... ch'est toudis l'printemps !" |
|
|
 | Achochonné au Picard dzeur ech Wépe [ Wépe d'avant |Wépe d'aprés |Comme cha t'ché |Liste] |
