|
Archives « les Veillées Patoisantes »
|
Les derniers textes mis en ligne : |
© VPT 2003
INSOMNIE Au qu'minch'mint d'juin, in a été Al'campane, ch'étot à Genech, Pou patoiser à un bantchet. In y a servi du vrai café. D'in.n' bonn' jatte j'mai régalée... Mais j'vous jur' que jomais pus In m'f'ra boire in.n' goutte d'vrai jus. Ej' n'ai nin pu treuver l'sommel ! J'avos, dins m'tiêt', des ritournelles Et j'aros bin tchanté tout haut, Tout si bin réveillée qu'j'étos, "Fidéline" et "les Camanettes" Et pu d'z aut' tchansonnettes. Mais j'n'ai nin pu, m'n homme i dormot. A quatre heur', les cos i-ont tchanté, Des mobylett' i'z ont passé. Pindant que l'z ins s'égosillot'te, Eh bin ! l'z aut' i pétaradot'te ! Et alorss', pa d'sus l'marché, Em'n homme i s'a mis à ronfler ! Mi, j'ai in caractère in or. Comme j'peuvos nin l'mett' dehors, Adan ch'est mi qu'a fait l'effort : Su l'point' des pids, sans faire d'brut, Ej' m'ai r'treuvée, pou l'ress' de l'nut, Dins in lit de l'champe à côté. Là, j'ai écrit in tiot coplet Et, à m'n aiche, j'vous ai rinconté L'z effets du bantchet d'Genech. Mais nin non, nin non ! jomais pu In m'fra boire in.n' goutte d'vrai jus ! Francine DELEPORTE |
|
Achochonné au Picard dzeur ech Wépe [ Wépe d'avant |Wépe d'aprés |Comme cha t'ché |Liste] |