 |
|
|
|
|
|||
|
|
Archives « les Veillées Patoisantes »
|
|||||
| Les derniers textes mis en ligne : |
© VPT 2003
| LES TROS FRERES Su l'devant de l'majon, Jusqu'au fin fond d'l'horizon, S'allonch'te tros qu'mins Tros larqués qu'mins. Les tros frères I z'ont, pou la djerre, Tchitté leu pays Et leu campane fleurie. L'premi i-a imbrachi s'mamère L'deusime, s'fin.me l'bell'Esther, Et l'pus jomme, s'n amiss' aux z'is si clairs. Dins l'pâture, l'mamère a planté tros blanqu's épin.nes Dins l'gardin, I'bru a s'mé l'pivoène Et l'fiancée a martchi sin nom su'l'bos du quêne. L'z aubépin.nes, tous les tros, i-ont r'sétchi su pid Et l'pivoène, ell' s'a tout flétrie. Su l'bos du quêne, sin nom n'est pus écrit. Y-a tché de l'neich' pindant tros ans Et les qu'veux de l'mamère i sont tout blancs. L'fief' a rongi l'fidjur'd'Esther Et l'bell'file a serré ses paupières. Et les tros frères Partis à la djerre Si lon d'leu majon Et d'ù qu'i sont ? Pét-êt' qu'i tronn'te d'frod et d'pleuf' A l'intour du grand fleuf' ? Et si d'main n'arrif' jomais, Laichi-les, mon Di, acor rêver A l'canchon-dormoir' de l'viss'mamère A les boutons d'rose du corsach'd'Esther Et au solé qui riot dins les preunell's claires. Adieu l'sintimint du foin fraîch'copé, L'noirté mûre et l'ramon doré... Adieu l'rouch'-gorch' si tant amiteux Min beffro dins l'neuée, a tertous... Adieu ! Et les tros qu'mins, Les tros larqués qu'mins I sont dev'nus tros pid-sintes Tros pétit's pid-sintes, Arcouvertes d'chinte... Francine KRABANSKY |
|
|
 | Achochonné au Picard dzeur ech Wépe [ Wépe d'avant |Wépe d'aprés |Comme cha t'ché |Liste] |
